BREAKING-NEWS

Peace Cup: Rayon Sports isezereye Etincelles Fc ikomeza muri 1/4

Miliyari 11 na miliyoni zirenga 500 niyo mafaranga Urwanda rwishyuye Arsenal izajya ikangurira abantu gusura Urwanda

Karangwa Regis niwe watsindiye kuba Umunyamabanga mukuru wa FERWAFA

Umuhanzikazi Momo ibyumweru bibaye 2 afunzwe akurikiranyweho gucuruza abantu

"Abafana banjye nibitege amashusho ameze neza ya Till We Die" Kiizah Peace Maloma

Yanditswe na Johnson Ndekezi kuwa 2018-01-19 saa 15:54:30Yasomwe: 767

Abayobozi bica ikinyarwanda bikomwe n'abayobozi b'ibitangazamakuru mu Rwanda
Abayobozi b’ ibitangazamakuru bikorera mu Rwanda bongeye kunenga uburyo bamwe mu bayobozi bakuru bica ururimi rw’ Ikinyarwanda, RALC, ivuga ko abakicaga ubu basigaye bashakirwa abakibigisha.



Ikinyarwanda mu marembera, hadutse ururimi rw’
Ikinyafurangere, Abanyarwanda basigaye ari nk’ abanyamahanga mu gihugu cyabo, kuko badasobanukirwa ibyanditse ku byapa byo mu mujyi wa Kigali bitewe n’ uko byanditse mu ndimi z’ amahanga,… izi ni zimwe mu mpuruza abanyamakuru batanze ubwo batabarizaga ururimi rw’ Ikinyarwanda, nyuma yo kubona ko rurimo gutakaza umwimerere warwo.

Abanyamakuru n’ abandi banyarwanda bafite ku mutima ururimi rwabo gakondo ntabwo barekeye kuko banafata amajwi y’ abayobozi bakuru bakoresha nabi ururimi rw’ Ikinyarwanda baruvangavangira indimi z’amahanga bakayumvisha ababakurikira, arinako bagaragaza uburyo ari ibintu bidakwiye.

Kim Kizito, umunyamakuru akaba n’ umwe mu bayobozi ba City Radio ntiyiyumvisha impamvu bamwe mu bayobozi bakuru bagikoresha nabi Ikinyarwanda.

Ati “Hashize igihe kinini bamwe mu bayobozi bakuru bica ururimi rw’ Ikinyarwanda, ni iyihe ndwara barwaye ituma batavuga neza Ikinyarwanda?” Aha yabazaga RALC, ya Nteko Nyarwanda y’ Ururimi n’ Umuco.

Umuyobozi w’Ishami ry’ Umuco muri RALC, Dr Nzabonimpa Jacques yavuze ko kuba hari abayobozi bakoresha nabi Ikinyarwanda biterwa n’ uko biturutse ku mateka y’ u Rwanda hari abo usanga barakuriye mu bihugu by’ amahanga nubwo bidakwiye kuba urwitwazo kuko hari abanyamahanga bari mu Rwanda bavuga neza ururimi rw’ Ikinyarwanda.

Mu gihe gito gitambutse kuvuga Ikinyarwanda uvangamo indimi z’amahanga byafatwaga nk’ ubusirimu, ubu busirimu bukaba bwaranenzwe n’ abayobozi batandukanye barimo ba Minisitiri w’ Umuco na siporo Uwacu Julienne.

Amajwi y’ Abanyarwanda bakoresha nabi Ikinyarwanda yaregeranyijwe ashyirwa hamwe nyiri ukuyegeranya ati ‘Ikinyarwanda mu marembera’. Dr Nzabonimpa avuga ko amenshi mu majwi yashyizwe mu ‘Kinyarwanda mu marembera’ ari aya bamwe mu bayobozi bakuru ibi bikaba byaratumye bakanguka batangira kukiga.

Dr Nzabonimpa yavuze ko umwe mu bayobozi bakuru bakoreshaga nabi Ikinyarwanda RALC yamushakiye umwarimu ukimwigisha akemera kumwiyishyurira.

Ati “…Twabashakiye abantu batangira kubahugura, hari uwo (Kim Kizito )yatanzeho urugero muri ino minsi yarabihagaritse, twari twaramushakiye umuntu umufasha kwiga Ikinyarwanda yari yaranemeye kujya amwirihira. N’ ubungubu abandi bahari bose turabafasha, ku buryo ahenshi na henshi murimo kubona bigenda bihinduka, agakora iyo bwabaga akavuga Ikinyarwanda ariko akakivuga uko agishoboye .

Mu nama iheruka y’ umushikiramo Perezida w’ u Rwanda Paul Kagame yakomoje ku mikoreshereze itanoze y’ Ikinyarwanda asaba abatakizi gufata umwanya bakakiga.

Abakeneye kwihugura mu rurimi rw’ Ikinyarwanda bavuga ko kubona ibitabo by’ Ikinyarwanda byo gusoma bibagora bitewe n’ uko bihenda. Urugero inkoranyamagambo y’ Ikinyarwanda yuzuye igura ibihumbi 52 frw.


Kunda page yacu ya FACEBOOK ujye ukurikirana amakuru byoroshye

Izindi nkuru wasoma

RUSIZI: MW'ITORERO INKURU NZIZA BATERANYE IBIPFUNSI BAKIZWA NA LETA !!


Yo kuwa 2018-05-21 i saa 17:05:37

BUGESERA-KAMABUYE BEJEJE IBIJUMBA ARIKO ISOKO N'IKIBAZO NDETSE NIBAFITE NUKO BABIHUNIKA


Yo kuwa 2018-05-19 i saa 11:42:01

AKARERE KA NYABIHU KARI KU ISONGA MU KUGIRA UMUBARE MUNINI W’ABANA BAGWINGIYE MU RWANDA


Yo kuwa 2018-05-18 i saa 15:12:56

RDC GOMA LE GROUPE MUSICAL LS97 LIFE SONG SORT TROIS TITRES DONT MFUNGWA HURU PARLANT DEL'HOMME NOIR


Yo kuwa 2018-05-17 i saa 16:06:23

UMUHANZI MELODY W'UMUGANDE NYUMA YO GUFATWA N'INDWARA ITAZWI ARAREMBYE BIKOMEYE


Yo kuwa 2018-05-17 i saa 08:27:35

GUTORA INDIRIMBO
INDIRIMBO
Ntuzanyibagirwe
by 13

ProfilePlay | Download
Byacitse
by 1

ProfilePlay | Download
Gutya
by 1

ProfilePlay | Download
Hejuru
by 2

ProfilePlay | Download
Warabimenye
by 11

ProfilePlay | Download
FACEBOOK
KWAMAMAZA